闲雪御所剑与火真田幕府日本历史文化朝鲜半岛历史文化

标题: 吴语维基 [打印本页]

作者: 云间舞鹤 时间: 2010-8-31 16:33 标题: 吴语维基

http://wuu.wikipedia.org/wiki/封面

依夫城堡，法文Château d'If，来拉马赛非乌勒群岛(Archipel du Frioul)浪向造个城堡。

1516年辰光，法国国王弗朗斯伐一世（François Ier）来拉玛里娘战争，一径打到马赛。从依夫岛来看，渠分析马赛根本就呒没防止外来侵略个防卫设施。箇咾呢，渠命令来拉小岛浪造一座防卫城。隔脱仔8年，西班牙国王卡洛斯一世（法文：Charles Quint，神圣罗马帝国五世国王）一例想拿马赛吃落去。虽然特派大臣米朗达勒(Mirandal)成功打退了进攻部队，不过箇趟事件还是说明了一只问题：城市进口个防卫要加强。来拉同一年，也就是1524年，头一批城墙开始建设咾望渠拉好保护港口，外加派仔200个兵搭仔22门炮摆拉岛浪向。

马赛人弗买账，反而搭箇只城堡起着只绰号叫“讨惹厌个邻舍”(L'importune voisin)。马赛人开始争论箇个城堡，因为来拉1481年前头，马赛弗是法国领土。箇咾对渠拉来讲，城堡是法国国王对马赛拥有权力个象征。

城堡最终造好来拉1531年。西班牙国王Charles Quint后首来来拉1536年也亲自进攻马赛，不过渠登拉城堡边浪向兜仔几圈，终归还是呒没办法拿渠攻下来。

依夫城堡来拉城堡造好交关年数之后，大约摸来拉16世纪中期，又多仔一项监牢个功能。为仔城堡个地理位置搭建筑风格咾，渠变成功理想个监牢，难板有人好逃得出去。只要有人拿城堡守牢就好哉，外加城堡也从来弗曾有人进攻歇。

但不过，依夫城堡真正出名呢是因为一本书：大仲马(Alexandre Dumas)个基督山伯爵。箇本小说个主人公艾特蒙·堂戴斯(Edmond Dantès)就是拨关拉依夫城堡里向个。

作者: 苍真 时间: 2010-8-31 19:05

有空

欢迎光临闲雪御所剑与火真田幕府日本历史文化朝鲜半岛历史文化 (http://sanada.net.cn/bbs/)